Distinctio XII — Livre I — Maître Bandinus
Maître Bandinus - Livre I
DISTINCTIO XII
An Spiritus sanctus prius vel plenius procedat a Patre quam a Filio.
Nec tamen prius et posterius ab alterutro eorum procedere,
sicut delirat haereticus.
In illa enim summa Trinitate
sine quibus omnino prius et posterius esse non possunt.
Nec etiam procedit plenius ab altero quam ab altero,
quia sicut a Patre, ita et a Filio procedit Spiritus sanctus.
Sicubi autem legitur proprie vel principaliter a Patre procedere,
eo sensu dicitur,
quod Pater non ab alio, sed a semetipso habet,
quod Spiritus sanctus ab eo procedit.
Denique Hieronymus ponit proprie :
Inquit enim :
Augustinus autem ponit principaliter his verbis :
Non frustra in hac Trinitate, non dicitur Verbum Dei, nisi Filius,
nec donum Dei, nisi Spiritus sanctus,
nec de quo genitum Verbum est, et de quo procedit principaliter Spiritus sanctus, nisi Deus Pater.
Sed hoc sic esse intelligendum,
ut praediximus,
ipse declarat, dum subdit :
Sed hoc quoque illi Pater dedit ;
Patri autem nullus hoc dedit.
Ideoque de Patre principaliter procedere confitetur.
De processus Filii a Patre et Spiritus sancti differentia.
Filius quoque de Patre procedit,
sicut ipse testatur :
Dissimiliter tamen a Spiritu sancto.
Nam Spiritus sanctus, ut Augustinus ait, a Patre procedit, non quomodo natus, sed quomodo datus vel donum.
Filius autem procedit nascendo et exiit ut genitus.
Inter hanc sane, et illam processionem, inquit Augustinus, distinguere nescio, non valeo, non sufficio :
est enim utraque ineffabilis.
Sicut enim Propheta de Filio loquens, ait :
Generationem eius quis enarrabit ?
Ita de Spiritu sancto verissime dicitur :
Processionem eius quis enarrabit ?