DISTINCTIO XXIX

Periocha

Non erit assensus peragens connubia, qualem.

Praebet verberibus saepe gravatus homo.

Consensus per coactionem extortus, matrimonium non facit : nec consensus appellandus est, qui et extorquetur. Veruntamen, si post huiusmodi coactionem liber consensus supervenerit, utpote si simul cohabitent, et non reclament, consensus iam liber factus videtur, et priorem defectum emendare. Debet autem consensus esse liber, non modo in nuptiis, sed et in sponsalibus. Dicitur etiam ille consentire, qui manifeste et evidenter non contradicit. Unde et sponsalia talis consensus confirmare dicitur.