Distinctio XLIV

Section 44 sur 44

DISTINCTIO XLIV

 

Periocha

Omnis ut aeterno venit ex autore potestas,

Patrandi sceleris sic venit ipse vigor.

 

Opinati sunt quidam peccandi potentiam a Deo non esse : sed a nobis ipsis et diabolo : a Deo autem nobis esse tantum recte actionis potentiam, sicut de mala voluntate dicitur. Sed hoc scripturis contrarium est, ex quibus constat potentiam omnem, non modo bene agendi, verum etiam peccandi, a Deo fore. Non enim est potestas (secundmn Apostolum) nisi a Deo. Ad quod et alia pleraque astipulantur, ut in littera. Neque vero per hoc malitia voluntatis, sed potestas qua male agens, volens abutitur, a Deo esse dicitur. Nec cuiusquam rei potestas aliunde esse potest, nisi a Deo aequo, quamvis aequitas illa nos lateat. Hic nec valet quod in oppositum dici posset : Ergo potestati tyranni vel diabolo non est resistendum, eo quod Apostolus dicit :

Qui potestati resistit, dei ordinationi resistit

. Etsi enim semper obediendum sit subdito ipsi potestati, non tamen abusui eius, qua contra Deum potestas aliqua praecipit. Nam tunc praecipiente contempto, ipsi deo est obtemperandum.

 

 

Libri secundi finis.

Copyright © 2026

Magister Sententiarum