DISTINCTIO XLI

De differentia mansionum in caelo et in inferno.

Caeterum impii diversis poenis torquebuntur. Pii vero in claritate cognitionis different, quia in domo Patris mei mansiones multae sunt. Par autem erit gaudium omnium, vel quia quisque gaudebit de bono alterius, quasi de proprio : vel quia de omni re unde gaudebit unus, omnes gaudebunt, ita ut paritas non ad intentionem gaudendi, sed ad numerum rerum de quibus gaudent, referatur.