DISTINCTIO XXII

Qua ratione dicatur passus Deus.

Sane quidquid passa est caro, non potest dici non passus Deus. Quomodo non potes dicere, te non passum iniuriam, si vestis tua perfunditur, vel conscinditur, quamvis illa non sit tu. Multo magis ergo quidquid patitur caro unita Verbo, debet dici Deus pati, licet Verbum, nec mori, nec pati potuerit.

De hoc ergo ait Ambrosius : Idem moriebatur et non moriebatur ; resurgebat et non resurgebat : resurgebat secundum carnem, non resurgebat secundum Verbum.